يعنى ايه كلمة حب؟

اتمنى ان الموضوع ينال اعجبكم[ندعوك للتسجيل في المنتدى أو التعريف بنفسك لمعاينة هذه الصورة]

يعنى ايه كلمة حب

الحب
يعنى قوة وشجاعة و فى نفس الوقت ضعف وانكسار الحب قوة و شجاعة لما تكون
جنب حبيبتك وتعمل اى حاجة عشانها مهما كلفك الامر تواجه الدنيا و العالم
كله وتتمسك بحبك مهما كان ومهما كلفك من مشاكل هتواجها علشان خاطر حبيبتك
الى متقدرش تستغنى عنها .
والحب ضعف وانكسار لما تكون حبيبتك بعيد عنك
لما تحس انك خسرتها لما تحس ان الدنيا ضيقة عليك لما تحس انك مقدرتش تحافظ
عليها لما تنام ودموعك على خدك لانك مش لاقيها مش حاسس بيها جنبك علشان
تاخدها فى حضنك لما تضيع منك علشان تروح لغيرك

الحب رومانسية
اتجاه الانسانة الى بتحبها وازاى تخليها اسعد انسانة فى الدنيا
والرومانسية مش مجرد كلام جميل تقوله لحبيبتك الرومانسية فعل اكتر منها
كلام رومانسى ومواقف تعملها تدل على حبك ليها و احساسك بيها

الحب
حماية وازاى تحمى حبيبتك من كل الناس لما تكون انت سندها تحميها من اى شئ
من حتى نفسها من اى فكرة ممكن تضرها من اى حاجة مكن تأذيها من اى مشكلة
ممكن تقع فيها من اى موقف هيجى عليها من حزن ممكن تشوفه فى عنيها من اى
موقف تعمله ممكن يأثر فيها

الحب سعادة تشوفها فى عنيها فى موقف
ممكن تعمله ليها الحب سعادة تشوفها وتسمعها من قلبها قبل ما تشوفها
وتسمعها فى عنيها و كلامها لما تحب كل حاجة فيها الحب سعادة تدوم بينكم
طول العمر مش مجرد بداية لحد ماترتبط بها

الحب راحة بينك و بين
حبيبتك الحب راحة لما تنام وانت عارف ان حبيبتك فرحانة مش نايمة ودمعتها
على خدها حتى لو مش بسببك لو لاى سبب تانى تشاركها فى حزنها ماتنامش من
غير ما تمسح خدها مش لازم تكون جنبها حسسها انك جنبها انك بتمسح خدها حتى
ولو هى بتمسح خدها بمنديل هتحس انه ايديك مش مجرد منديل الحب راحة لما
تنام وانت مطمن انها نايمة وهى مش زعلانة منك لما تنام وانت عارف انك عمرك
ماجيت عليها او عملت موقف يزعلها منك

الحب تضحية انك تضحى بنفسك علشان حبيبتك تضحى بحبك علشان تشوف فرحة وسعادة فى عنيها تضحى بأى شئ ممكن يبعدك عنها

الحب
احساس بينك و بين حبيبتك لما تحس بيها تحس بمشاكلها قبل ماتقولك عليها تحس
بالخطر قبل ماتقع فيه تحس بجد بالاوقات الى هى محتجالك فيها

الحب صراحة لما تصارح حبيبتك بموقف عملته ممكن يأذيها او يأثر فيها لما تصارحها بأى حاجة حاسس انها ممكن تزعلها منك تعترف بغلطك ليها

الحب تسامح انك تسامحها على غلطة عملتها غصب عنها مش تقول دى فرصة علشان اخلع منها

الحب كبرياء ازاى تراعى حبيبتك و مشاعرها فى حضورها وفى غيابها لا تخونها ولا تأذى كبريائها

وفى
الاخر الحب مشكلة كبيرة جداااااااا معايا لانى لقيه وهو مش لقينى حاسس بيه
لكن هو مش حاسس بيا بتعذب عشانه وهو فرحان فيا بنام كل يوم فى حزن و دموع
وانا عارف انه كل يوم بيبعد عنى شوية لحد ما هيختفى و هيسبى لعذابه