مشكلة وحلها يا نهار ابيض مشاكل مشاكل في بيوتنا

زائر

السلام عليكم ورحمة الله وبركاته
اهلا احلى ناس فى الكرة الارضية
مساء الفل والخير والسعادة عليكم

انا ملاحظة اليومين دول ان القسم نايم بطريقة غريبة
دة انا نفسى بدخل ومش برضى اسجل وبخرج علطول
هل انتوا مش بتدخلوا علشان كدة برضه .... ولا كله مشغول فى الدراسة باة وكدة

المهم انا عايزة اتكلم عن الحب ومشاكل الحب

سارة وعمر مخطوبين من فترة قصيرة جدااااااااااا
ودى اوى مشكلة

سارة

: هو ايه دة؟ هو عمر مش بيسال عنى خالص كدة ليه ... دة كل شوية مرام صاحبتى خطيبها يتصل بيها

ويقول ليها وحشانى يا حبيبتى وانتى فين يا حبيبتى ... امال عمر مش بيقول لى كدة ليه؟؟ اكيد عمر مش بيحبنى علشان كدة مش ببقى واحشاه ومش عايز يكلمنى ايوة ولما اكلمه يقول لى والله مشغول يا حبيبتى اعذرينى ... ياسلام يعنى خطيب مرام مش بيشتغل يعنى وخطيبى ال فاتح مصنع بسلامته ... آل شغل آل ... دة بيكلمنى بالقطارة وبيفضل باليومين والتلاتة ولا يسال عليا خالص... انا حاسة انها جوازة واتحسبت عليه وخلاص فبيقضيها.. يعنى خطوبة عادية ولانها خطوبة تقليدية مش من قصة حب فطبعا الجواز كمان تقليدى وهو مش بيعبر طب والله ما هعبر ولا هتصل بيه يلا هه

عمر

: سارة اكيد مش بتحبنى عمرها ما حسستنى باهتمامها ليا و لا قالت لى وحشتنى يا حبيبى ودايما كل ما تشوفنى تعكنن عليا وانت مش بتسال ليه ومش عارف ايه وفلقتنى بمرام وخطيبها ربنا ياخدهم ... ما انا اعمل ايه ... يعنى انا اسال وهى لا ما انا بس ال بسال عليها دايما يعنى انا كمان مش بوحشها باة ... مع ان الواد محمد صاحبى البت خطيبته هارياه تليفونات طول النهار... بفضل اقول له اقفل التليفون علشان نركز شوية فى الشغل وانا متدايق وعلى آخرى يعنى هو خطيبته بتحبه وانا خطيبتى لا ... دة انا بتعمد مكلمهاش باليومين والتلاتة واقول جايز تكلمنى وهى ولا فى الدماغ ...انا حاسس انها قالت يلا اهو عريس وخلاص احسن من مفيش واهو ضل راجل ولا ضل.... واهى جوازة واتحسبت عليا .. خلاص بدال كدة وانا ولا هعبر باة ولا هتصل اشمعنى الواد محمد صاحبى يعنى

ها ايه رايكم؟؟؟

هل احنا ال بنوصل نفسنا لكدة؟
اكيد .... لان لازم نلتمس العذر الاول

يعنى مثلا بدل ما يدايقوا فى نفسهم بالطريقة دى وتقلب بمشاكل ملهاش لازمة

ما تيجى نخلى عمر ياخد سارة فى قاعدة رومانسية كدة ويكلمها ويحاولوا يفهموا بعض

عمر:

سارة انا بجد بحبك اوى ومقدرش اتخلى عنك ... بس انتى ليه مش بتحسسينى بالاهتمام انا حاسس دايما انك مش مهتمة بيا ومش بتسالى عليا ولا بتعبرى عن مشاعرك ناحيتى مع اننا يادوب فى اول المشوار ومش محسسانى باى حاجة .. ودايما تعاتبينى على قلة سؤالى مع انك مش بتسالى برضه .... يعنى يا حبيبتى لازم الاهتمام دة يكون من الطرفين .. دة انا اوقات بحس انك موافقة عليا غصب عنك او انى مش فارق معاكى اصلا

سارة

: والله ابدا يا عمر انت ازاى بتقول كدة انا كمان بجد متعلقة بيك وبالعكس دة انا ببقى هتجنن لما مش بسمع صوتك وانا فاكرة انك عارف احساسى دة وعارف انى معجبة بيك اوى وموافقة عليك بارادتى بس انا ال بحس انك بعيد عنى ومش مهتم بيا وبعدين انت قلت احنا لسة مخطوبين وانا لسة مش اخدت عليك ويمكن علشان كدة مش قادرة اعبر ليك عن مشاعرى وكمان انا مش زى اى بنت عرفتها والا مش كنت جيت طلبت ايدى بس كل الحكاية انى عايزة اتعود عليك واخد عليك بس كدة

رجع عمر وسارة من المكان دة وكلهم احاسيس جميلة شايلينها لبعض

ومن يوميها لا عمر بيفوت يوم مش بيتصل بسارة ولا سارة بتفوت يوم مش بتطمن على عمر

[ندعوك للتسجيل في المنتدى أو التعريف بنفسك لمعاينة هذا الرابط]

والله هو الموضوع ممتاز جدا وده فعلا بيحصل كتير اوي يا مصطفى
بس الاهم من ده كله حاجه صغيره لازم نفكر فيها قبل اي شيء

انا مش اخد ظروف غيري واطبقها على نفسي
مش عشان زميلتي خطيبها فاضي وكل شويه بيتصل بيها وانا بتصل مثلا مره واحده مع اني مكنتش بتصل ههههههههههههههههههههه
يبقى انا مش بحبها بالعكس

وبعدين امشي بكلمتين ابرك من عشره

حب البت تكرفك اكرف البت تموت عليك ونفس الكلام ليكم يا بنات احنا تهمنا المصلحه للكل
هههههههههههههههههههههههههه[ندعوك للتسجيل في المنتدى أو التعريف بنفسك لمعاينة هذه الصورة]

الف شكر يا مصطفى
بيس يا مان

زائر

الموض جميل اوى يا حبى
لاكن
لا تعليـــــــــــــــــــــــــــــق

برنسيسه الشــــــــــــاطئ

زائر

موضوع جميل جدااااااااا يا مصطفى
وانا راي من راي حسام بظبط
وتسلم ايديك

زائر

هههههههههههههه الموضوع جميل يا مصطفى وبجد حلو اوى اوى ممكن تشوفلى اعدة رومانسية زى دى مع حبيبى ههههههههههههه بس جامد والله

الله يا هتلر على كلامك
فعلا صح
وعلى فكره كلامك يا حسام غلط (اكرف البيت تحبك حب البيت تكرفك)
هى الصح
(حب البيت تحبك تكرف للبيت تكرفلك)
(حبى الشاب يحبك يكرفلك اكرفيله)

موضوعك
جميل ورائع
وانا راي من راي
حسام
تسلم ايدك ياغالي